Mbi 46 mijë persona të riatdhesuar në Kosovë nga viti 2013

13:02 | 18 Mars 2018
Arbresh.info

46 mijë e 457 persona janë riatdhesuar në Kosovë që nga viti 2013 deri në shkurt të këtij viti.

Sipas Ministrisë së Punëve të Brendshme, Gjermania prinë, sa i përket kthimit.

Kjo ministri bën të ditur se vendet e BE-së, veçanërisht Gjermania, Zvicra, Franca, Suedia, e Austria janë duke vazhduar t’i kthejnë shtetasit e Kosovës, të cilët janë duke qëndruar në mënyrë ilegale në këto vende.

“Procesi i ripranimit deri më tani ka funksionuar mjaft mirë dhe kjo është reflektuar edhe në raportin për Kosovën të Komisionit Evropian dhe raportet tjera nga institucione dhe organizata ndërkombëtare. Departamenti për Shtetësi, Azil dhe Migracion, është duke i zbatuar marrëveshjet për ripranim, të cilat janë nënshkruar me vende të ndryshme dhe gjithashtu Ligjin për ripranim”, ka thënë për KTV-në Zyra për informim e MPB-së.

Kosova ishte përfshirë nga një valë e madhe e ikjeve në vitin 2013 dhe 2015.

Shpërndaje në rrjete sociale

Lajmet më të lexuara

Të ngjashme

Foto lajm